Nänabushu and the Dancing Bullrushes
Ningoding babimosed, “Aaniin?” Gii-inendam.
“Gonge?”
O’ow idash gii-inendam: “Gonige gaawin ninga-gashkitoosiin!”
Ningoding igo babimosed, ogii-waabamaa i’iw ininiwa’ Gisji-oSaamiininit wii-niimi’idwa’
O’ow idash ogii-igoon iniw bezhig: “Aaniin gaye giin ina, Nenaboozhoo, Giga-niim?” ogii-goon.
“Aye´, nishiime sa ninga-niim gaye niin,” ogii-inaan.
Gakina bingwaashaagidiwa’, mii dash gakina ezhi’onid i’iw babikwaangenaa batakibine’onid.
“Gaye giin ina giwii-niim?” Gii-inaa a´aw Nenaboozhoo.
“Mii na go iw iidog zhigwa wii-wiidookaazoyan?
Gi-noondam ina minik i’iw isa minik waa-niimi’iding?
Nishwaasogan wii-niimi’idim.”
Mii dash gaye wiin gaa-izhi’od, gii-batakibinwe’od.
Mii dash apii maajitaanid, naawaya’ii gaa-izhooshigaabawid gaye qiin gii-niimid.
Mii dash apii gii-maajitaanid, aaniish mii sa gaye wiin i’imaa gaa-indashiiweshimot; baabnaginange inakamigiziwa’.
Geget sa gichi-niimi’idiwa i’imaa.
Mii dash i’imaa endazhiweshimod, niiyogon gaa-niimid.
Aaniish i’imaa wiijiiwaad i’iw isa gaa-niiyogonagadanig.
Mii dash apii gii-inind: “Ambe sa noo ayaagwaamizin,” gii-inaa aw Nenaboozhoo.
“Gego noonde-aanishiidangen.”
Mii dash apii zhigwa gii-ozhi’onid; gaa-izhi-miskwaakwiyowenid, aaniish mii go gaye wiin gaa-izhi’od a’aw Nenaboozhoo.
Gii-naaniimid mii imaa, aanish gaawiin aanawi mashi ayekozisii.
Mii dash geget enigok niiminid.
Abaapish gaa ningodwaasogonagadinig, mii dash apii e-ni-waabaninig zhigwa gikendang ayekozid.
Mii go iw ezhi-ziigisenig oshkiinzhigoon.
Geget sa nanoondendam jibwaa-waabininig.
Gegapii igo gichi-mawi i’iw epiichi-dibikadinig.
Mii dash i’iw ji-ishkwaa-niimi’idinig ani-waabaninig.
Mii sa agaawaa ogashkidoon aano-niimid, aaniish ayekozi.
Zhayiigwa aanawi bi-yaabanini, mii sa zhayiigwa nanaawajimonid.
Mii dash aanawi biidaabi-waabaninig, aanish mii go iw ezhi-nasine mawid, epiichi-ayekozit.
Ningoding igo, e-shkwaa-webinigenid, gii-niibawi megwe-zhaashaaganashkokaa, aaniish gaa-izhinaagoskang iniw zhaazhaaganashkaan miinangwona iniw gaa-izhinang.
Mii dash geget naanoondendam jibwaa-waabaninig, mii dash ezhi-mawid, epiichi-ayekozid.
Ningoding igo i’iw akawaabandang ji-bi-waabaninig, zhigwa gegedo waabandaan bi-waabaninig.
Mii dash gaa-inendang: “Ambegish ge-izhitine gibimi-baagaakaabang!”
Mii dash geget zhigwa dibishkoojaya’ii bimi-akwaabanini.
Aaniish mii go iw mookwishimod.
Mii dash inaabid; geget i’imaa, niibawid, goniginiin megwe zhaashaaganagashkokaa gii-niibawi.
Mii sa ndawaa ezhi-naadagaame ayaad.
Mii dash nangwana i’iniw gaa-izhinang zhaashaaganashkoon anishinaabeng gaa-izhinang.
Mii nangwana iw apii ko i´iw gii-ani-dagwaagig mii nangwana i´iw gii-gichi-naanooding.
Mii nangwana i’iniw gaa-gii-izhinang iniw zhaashganashkoon.
NAA mii dash inangwana i’imaa wawiyazh gii-izhiwebizid.
“Gonge?”
O’ow idash gii-inendam: “Gonige gaawin ninga-gashkitoosiin!”
Ningoding igo babimosed, ogii-waabamaa i’iw ininiwa’ Gisji-oSaamiininit wii-niimi’idwa’
O’ow idash ogii-igoon iniw bezhig: “Aaniin gaye giin ina, Nenaboozhoo, Giga-niim?” ogii-goon.
“Aye´, nishiime sa ninga-niim gaye niin,” ogii-inaan.
Gakina bingwaashaagidiwa’, mii dash gakina ezhi’onid i’iw babikwaangenaa batakibine’onid.
“Gaye giin ina giwii-niim?” Gii-inaa a´aw Nenaboozhoo.
“Mii na go iw iidog zhigwa wii-wiidookaazoyan?
Gi-noondam ina minik i’iw isa minik waa-niimi’iding?
Nishwaasogan wii-niimi’idim.”
Mii dash gaye wiin gaa-izhi’od, gii-batakibinwe’od.
Mii dash apii maajitaanid, naawaya’ii gaa-izhooshigaabawid gaye qiin gii-niimid.
Mii dash apii gii-maajitaanid, aaniish mii sa gaye wiin i’imaa gaa-indashiiweshimot; baabnaginange inakamigiziwa’.
Geget sa gichi-niimi’idiwa i’imaa.
Mii dash i’imaa endazhiweshimod, niiyogon gaa-niimid.
Aaniish i’imaa wiijiiwaad i’iw isa gaa-niiyogonagadanig.
Mii dash apii gii-inind: “Ambe sa noo ayaagwaamizin,” gii-inaa aw Nenaboozhoo.
“Gego noonde-aanishiidangen.”
Mii dash apii zhigwa gii-ozhi’onid; gaa-izhi-miskwaakwiyowenid, aaniish mii go gaye wiin gaa-izhi’od a’aw Nenaboozhoo.
Gii-naaniimid mii imaa, aanish gaawiin aanawi mashi ayekozisii.
Mii dash geget enigok niiminid.
Abaapish gaa ningodwaasogonagadinig, mii dash apii e-ni-waabaninig zhigwa gikendang ayekozid.
Mii go iw ezhi-ziigisenig oshkiinzhigoon.
Geget sa nanoondendam jibwaa-waabininig.
Gegapii igo gichi-mawi i’iw epiichi-dibikadinig.
Mii dash i’iw ji-ishkwaa-niimi’idinig ani-waabaninig.
Mii sa agaawaa ogashkidoon aano-niimid, aaniish ayekozi.
Zhayiigwa aanawi bi-yaabanini, mii sa zhayiigwa nanaawajimonid.
Mii dash aanawi biidaabi-waabaninig, aanish mii go iw ezhi-nasine mawid, epiichi-ayekozit.
Ningoding igo, e-shkwaa-webinigenid, gii-niibawi megwe-zhaashaaganashkokaa, aaniish gaa-izhinaagoskang iniw zhaazhaaganashkaan miinangwona iniw gaa-izhinang.
Mii dash geget naanoondendam jibwaa-waabaninig, mii dash ezhi-mawid, epiichi-ayekozid.
Ningoding igo i’iw akawaabandang ji-bi-waabaninig, zhigwa gegedo waabandaan bi-waabaninig.
Mii dash gaa-inendang: “Ambegish ge-izhitine gibimi-baagaakaabang!”
Mii dash geget zhigwa dibishkoojaya’ii bimi-akwaabanini.
Aaniish mii go iw mookwishimod.
Mii dash inaabid; geget i’imaa, niibawid, goniginiin megwe zhaashaaganagashkokaa gii-niibawi.
Mii sa ndawaa ezhi-naadagaame ayaad.
Mii dash nangwana i’iniw gaa-izhinang zhaashaaganashkoon anishinaabeng gaa-izhinang.
Mii nangwana iw apii ko i´iw gii-ani-dagwaagig mii nangwana i´iw gii-gichi-naanooding.
Mii nangwana i’iniw gaa-gii-izhinang iniw zhaashganashkoon.
NAA mii dash inangwana i’imaa wawiyazh gii-izhiwebizid.