Nenaboozhoo and the Artichokes
Mii dash gaa-ani-izhi-mamaajaad. Ningoding igo babimosed awiya ogii-waabamaa’.
“Aaniin ezhinikaazoyeg?" ogii-inaa’. “Gonige gidamogoomwaadog?"
“Eye’,” ogii-igoo’. Mii dash gaa-igod: “Eye’, geget nindamogoomin.”
“Aaniish enikaageyeg i'i’w isa niibiwa amogooyeg?"
“Gaawiin sa wiin igo gegoo nindinikaagesiimin. Mii sa eta go i'iw boogisikaageyaang."
Mii dash gaa-izhi-amwaad, aaniish ogii-igoo’ I’iw amondwaa; baamaa gaa-de-amwaad ogii-pooni’aaw.
“Geget sa gii-wiingipogosiim,” ogii-naa.’
Mii dash apii ani-mamaajaad.
Ningoding igo ani-babimosed baamaa go daadaanaaming, “Boo’!” inwenid ezhi-maajiipatood,
“Awenen gaa-inwed?" gii-inendam.
Waasa begamibatood.
Megwaa go miinawaa ani-babimosed, “Boo’!” inwewan awiya, ezhi-abamibagizod, “awenen gaa-inwed?" gii-inendam.
Megwaa go miinawaa ani-babimosed, baanimaa go wenji-boogidid ezhi-maajiibatood.
“Ambe sa noo, ninga-gagwenaganaa a’aw gaa-inwed,” gii-inendam.
Gwejikoko eninanaawajised baamaa go miinawaa, “poonh’!” enwenid.
Mii sa zegizid. “Ambe sa noo, ninga-akamawaa a’aw gaa-inwed,” gii-inendam.
ezhi-akandwaadang i’iw omiikana; mii sa go gii-zhi-azhe-giiwe, mii dash imaa wenzaabandang i’iw omiikana.
Baanimaa go miinawaa obikwanaang owiya nwaandawaad.
Mii sa onjida enwenid, “poonh’!’ ezhi-bazigonjised.
“Da-baapiniziwaagan, awenesh wa’aw beminisha’ogwen! Gechi-manidoowigwen,” gii-inendam ezhi-maajiibatood gichi-enigok.
Megwaa go ani-bimibatood, baamaa go miinawaa, “Poonh!”
Gichi-waasa bangishin, aabamibagizod; aaniish, gaawiin owaabamaasiin aano-aswaganed.
Baanimaa go miinawaa i'iwidi obikwanaang wenji-noondaagozinid, “Poonh!”
“Da-baapiniziwaagan!” inendam ezhi-maajiibatood.
Mii go imaa maajiibatood, miinawaa, “Poonh!”
“Da-baapiniziwaagan!” inendam enigok ezhi-maajiibatood;
Gegapii igo besho apatoo, bimibatood enigok.
Mii sa onjida e-nitang odashkweyaaming, “Poonh!”
Gegapii go endaso-bangishing, “poonh, poonh, poonh, poonh, poonh!”
Mii dash i'iw miitagiini’w gaa-izhiwaad nishiimeyag sa gii-bi-waabamagwaa igi’n ashkipwaag. ‘nimboogizikaagemin,’ ningii-igoog.
Dakiin, eei, nimboogid! Mii sa ge-ikidowaad anishinaabeg nizhisheyag, ji-ani-akiiwang.”
Megwaa go ani-babimosed, baanimaa go miinawaa, “Poonh!” “Eei, nimboogid!”
“Aaniin ezhinikaazoyeg?" ogii-inaa’. “Gonige gidamogoomwaadog?"
“Eye’,” ogii-igoo’. Mii dash gaa-igod: “Eye’, geget nindamogoomin.”
“Aaniish enikaageyeg i'i’w isa niibiwa amogooyeg?"
“Gaawiin sa wiin igo gegoo nindinikaagesiimin. Mii sa eta go i'iw boogisikaageyaang."
Mii dash gaa-izhi-amwaad, aaniish ogii-igoo’ I’iw amondwaa; baamaa gaa-de-amwaad ogii-pooni’aaw.
“Geget sa gii-wiingipogosiim,” ogii-naa.’
Mii dash apii ani-mamaajaad.
Ningoding igo ani-babimosed baamaa go daadaanaaming, “Boo’!” inwenid ezhi-maajiipatood,
“Awenen gaa-inwed?" gii-inendam.
Waasa begamibatood.
Megwaa go miinawaa ani-babimosed, “Boo’!” inwewan awiya, ezhi-abamibagizod, “awenen gaa-inwed?" gii-inendam.
Megwaa go miinawaa ani-babimosed, baanimaa go wenji-boogidid ezhi-maajiibatood.
“Ambe sa noo, ninga-gagwenaganaa a’aw gaa-inwed,” gii-inendam.
Gwejikoko eninanaawajised baamaa go miinawaa, “poonh’!” enwenid.
Mii sa zegizid. “Ambe sa noo, ninga-akamawaa a’aw gaa-inwed,” gii-inendam.
ezhi-akandwaadang i’iw omiikana; mii sa go gii-zhi-azhe-giiwe, mii dash imaa wenzaabandang i’iw omiikana.
Baanimaa go miinawaa obikwanaang owiya nwaandawaad.
Mii sa onjida enwenid, “poonh’!’ ezhi-bazigonjised.
“Da-baapiniziwaagan, awenesh wa’aw beminisha’ogwen! Gechi-manidoowigwen,” gii-inendam ezhi-maajiibatood gichi-enigok.
Megwaa go ani-bimibatood, baamaa go miinawaa, “Poonh!”
Gichi-waasa bangishin, aabamibagizod; aaniish, gaawiin owaabamaasiin aano-aswaganed.
Baanimaa go miinawaa i'iwidi obikwanaang wenji-noondaagozinid, “Poonh!”
“Da-baapiniziwaagan!” inendam ezhi-maajiibatood.
Mii go imaa maajiibatood, miinawaa, “Poonh!”
“Da-baapiniziwaagan!” inendam enigok ezhi-maajiibatood;
Gegapii igo besho apatoo, bimibatood enigok.
Mii sa onjida e-nitang odashkweyaaming, “Poonh!”
Gegapii go endaso-bangishing, “poonh, poonh, poonh, poonh, poonh!”
Mii dash i'iw miitagiini’w gaa-izhiwaad nishiimeyag sa gii-bi-waabamagwaa igi’n ashkipwaag. ‘nimboogizikaagemin,’ ningii-igoog.
Dakiin, eei, nimboogid! Mii sa ge-ikidowaad anishinaabeg nizhisheyag, ji-ani-akiiwang.”
Megwaa go ani-babimosed, baanimaa go miinawaa, “Poonh!” “Eei, nimboogid!”