Nenabosho eats the Artichokes
Ningoding igo babimooded owaabandaan gegoo zaagakiinig, gomaa omoona’aan; gegoo ezhi-mikwaanikaadang, go maa go akwaani.
Mii dash i’iw ezhi-ganoodang: “Gaawiin ina giitamagoosiin? Giinwiizom ina? Aaniin iw ezhinikaazoyeg?”
“Askibwaa (Ashkibwaa) nindigoomin.”
“Aaniin enikaakeyeg giishpin niibiwa emokooyegon? Gegoo na gidinikaagen?”
“Gaawiin sa go; ningiizhiwashkade’iwemin, gaye dash nimpoogisikaagemin. Aaniish mii sa go iw enikaageyaang.”
Nenabosho omaa ezhi-maajitaad, niibiwa omoonawaa i’iwe ashkibwaa; ezhi-giziibiiginaad, ezhi-maadanjige, wenjida go de-wiisini.
Aapiji niibiwa gaagidamwaad goji-bazigwii.
Gaawiin ganage minaan izhi-ayaasii, geget minomaji’oo.
Ezhi-maajaad, geget minobimose.
Gomaa go apii degwishing geget giizhiwashkade.
Zhigwa sa aapiji giizhiwashkade.
Ningoding igo megwaa bimosed ezhi-poogidid.
Geget goshkopagizo; ezhi-kwekipagizod.
“Awenen genoozhid?”
Aazha miinawaa iwidi obikwannaang.
Gegapii omitigwaabiin odikwadewaan.
“Aaw, ganoozhishiyog.”
Megwaa go wiipimojiged, obikwanaang aazha miinawaa, “Poo!”
Iwidi obikwannaang Nenabosho gaawiin gegoo owaabandaziin.
“Wegonen dash iw nwaandamaan?”
Aazha go miinawaa, mii sa go bezhigwanong enitang.
Gegapii maajiibatoo, mii go iw ezhi-kaade-bagizod, “Ponh, ponh, ponh, ponh” inweni.
Ningoding igo bimipatood gegapii noogibatoo, gibijise.
Nenabosho ezhi-giigidod: “Aaw, miigaazhishiyog!”
Aaniish gaawiin gegoo owaabandaziin.
Ningoding igo miinawaa mii dash gegt enigok ezhi-maajiibatood, mii sa onjida, “Ponh, ponh, ponh, ponh”, inwenig.
Nenabosho gibijise.
Gaagibijised, mikwendaan i’iw gii-igod iiniw ashkibwaan.
“Maagizhaa nanda nimpoogid.”
Eni-ezhi-maajaad; eni-noomageshkaad miinawaa boogidi.
“Ii!, nimpoogid! Mii sa ge-izhi-nikaadang bijiinag ge-ani-bimaadizid, ‘nimpoogid,’ da-ikido.
Bebezhig da-poogisikaagewan, ashkibwaa gakina go gegoo, gaye opiniig gaye waakonag.”
Mii dash i’iw ezhi-ganoodang: “Gaawiin ina giitamagoosiin? Giinwiizom ina? Aaniin iw ezhinikaazoyeg?”
“Askibwaa (Ashkibwaa) nindigoomin.”
“Aaniin enikaakeyeg giishpin niibiwa emokooyegon? Gegoo na gidinikaagen?”
“Gaawiin sa go; ningiizhiwashkade’iwemin, gaye dash nimpoogisikaagemin. Aaniish mii sa go iw enikaageyaang.”
Nenabosho omaa ezhi-maajitaad, niibiwa omoonawaa i’iwe ashkibwaa; ezhi-giziibiiginaad, ezhi-maadanjige, wenjida go de-wiisini.
Aapiji niibiwa gaagidamwaad goji-bazigwii.
Gaawiin ganage minaan izhi-ayaasii, geget minomaji’oo.
Ezhi-maajaad, geget minobimose.
Gomaa go apii degwishing geget giizhiwashkade.
Zhigwa sa aapiji giizhiwashkade.
Ningoding igo megwaa bimosed ezhi-poogidid.
Geget goshkopagizo; ezhi-kwekipagizod.
“Awenen genoozhid?”
Aazha miinawaa iwidi obikwannaang.
Gegapii omitigwaabiin odikwadewaan.
“Aaw, ganoozhishiyog.”
Megwaa go wiipimojiged, obikwanaang aazha miinawaa, “Poo!”
Iwidi obikwannaang Nenabosho gaawiin gegoo owaabandaziin.
“Wegonen dash iw nwaandamaan?”
Aazha go miinawaa, mii sa go bezhigwanong enitang.
Gegapii maajiibatoo, mii go iw ezhi-kaade-bagizod, “Ponh, ponh, ponh, ponh” inweni.
Ningoding igo bimipatood gegapii noogibatoo, gibijise.
Nenabosho ezhi-giigidod: “Aaw, miigaazhishiyog!”
Aaniish gaawiin gegoo owaabandaziin.
Ningoding igo miinawaa mii dash gegt enigok ezhi-maajiibatood, mii sa onjida, “Ponh, ponh, ponh, ponh”, inwenig.
Nenabosho gibijise.
Gaagibijised, mikwendaan i’iw gii-igod iiniw ashkibwaan.
“Maagizhaa nanda nimpoogid.”
Eni-ezhi-maajaad; eni-noomageshkaad miinawaa boogidi.
“Ii!, nimpoogid! Mii sa ge-izhi-nikaadang bijiinag ge-ani-bimaadizid, ‘nimpoogid,’ da-ikido.
Bebezhig da-poogisikaagewan, ashkibwaa gakina go gegoo, gaye opiniig gaye waakonag.”