Nanabushu finds Cranberries and Big Cherries
Mii dash geget mindimooye gaa-izhi-gondang ozikwaagan, mii dash miinawaa giiwenh Nenaboozhoo ani-babimibatood enigok; wiinge zhayiigwa aapiji ayekozi, mii go gaa-izhi-bimibatood giizhigadinig gaye dibikadinig.
Ningoding idash igo ani-babimibatood Nenaboozhoo dibikadinigoban, mii dash giiwenh e-nendang: “Mii maawiin zhayiigwa waasa dagwishinoowaanen,” inendam.
Nawaj idash igo aniigakipichibatoo; megwaa dash babimosed, gegoo odakokaadaanan, dibishkoo asiniinsag.
Mii dash animaanag ezhi-andoojiibidood; mii dash ezhi-mikoojiinang, odaapinang.
“Nookomis, naske gosha owe!
“Wegonen owe?” odinaan.
Mii dash mindimooye odaapinang.
“Mashkiigimin iw,” odinaan; “onizhishinoon miijinaniwang,” odinaan.
Aapiji mamaangiminagadiniwan.
Mii dash miinawaa maajaawaad, ani-babimosed miinawaa Nenaboozhoo.
Ani-daatagikwenid, gegoo obi-taakoskaanan oshkiizhigong; mii dash ezhi-andoojiibijiged, mii nangwana miinan.
Mii dash ezhi-odaapinang, ezhi-waabanda’aad ookomisan, inaad: “Wegonen owe?” odinaan ookomisan waabanda’aad.
“Oow, gichi-asasaweminan,” odinaan.
“Onizhishinoon miijigaadeg,” odigoon ookomisan.
“Mii zhayiigwa ji-ani-andawaabandaman geda-daayang,” odigoon.
Mii dash geget Nenaboozhoo gii-ani-pagijiwanaanaad ookomisan.
Mii dash gii-ozhiged Nenaboozhoo megwe-nengawiminikaang, aaniindi niibiwa gegoo nitaawiging maaniwang.
Mii imaa gii-onaabandang ji-daawaad.
Mii dash imaa gaa-daawaad.
Ningoding idash igo ani-babimibatood Nenaboozhoo dibikadinigoban, mii dash giiwenh e-nendang: “Mii maawiin zhayiigwa waasa dagwishinoowaanen,” inendam.
Nawaj idash igo aniigakipichibatoo; megwaa dash babimosed, gegoo odakokaadaanan, dibishkoo asiniinsag.
Mii dash animaanag ezhi-andoojiibidood; mii dash ezhi-mikoojiinang, odaapinang.
“Nookomis, naske gosha owe!
“Wegonen owe?” odinaan.
Mii dash mindimooye odaapinang.
“Mashkiigimin iw,” odinaan; “onizhishinoon miijinaniwang,” odinaan.
Aapiji mamaangiminagadiniwan.
Mii dash miinawaa maajaawaad, ani-babimosed miinawaa Nenaboozhoo.
Ani-daatagikwenid, gegoo obi-taakoskaanan oshkiizhigong; mii dash ezhi-andoojiibijiged, mii nangwana miinan.
Mii dash ezhi-odaapinang, ezhi-waabanda’aad ookomisan, inaad: “Wegonen owe?” odinaan ookomisan waabanda’aad.
“Oow, gichi-asasaweminan,” odinaan.
“Onizhishinoon miijigaadeg,” odigoon ookomisan.
“Mii zhayiigwa ji-ani-andawaabandaman geda-daayang,” odigoon.
Mii dash geget Nenaboozhoo gii-ani-pagijiwanaanaad ookomisan.
Mii dash gii-ozhiged Nenaboozhoo megwe-nengawiminikaang, aaniindi niibiwa gegoo nitaawiging maaniwang.
Mii imaa gii-onaabandang ji-daawaad.
Mii dash imaa gaa-daawaad.