Nanabushu is Miraculously fed Bear-Grease (1)
Ningoding isa ani-pabimosegoban Nenaboozhoo, mii dash apii wedisaad ajidamoon daanid; gii-piindige dash endaanid.
Mii dash enendang ajidamoo: “Ningad-ashamaa Nenaboozhoo.”
Mii dash baate-wiiyaas gii-atood onaaganing, miinawaa dash bezhig onaagaans ogii-mamoon wii-atood bimide.
Mii dash gaa-izhi-adaapinaad odisiniiman, mii dash mookomaan ezhi-pazhiba’odizod.
Mii dash imaa bimide wenjijiwaninig, bekish noondaagozi: “Jii ji ji jii ji jii, mako-bimide!”
Mii dash gii-ashamaad Nenaboozhoon.
Gaa-ishkwaa-wiisinid Nenaboozhoo, “Gaye niin ningad-ashamaa ajidamoo,” inendam.
Mii dash mookomaan odoopinang, [daapinang?] mii dash ezhi-odaapinaad odasiniiman.
Mii dash gaa-izhi-pazhibawaad odasiniiman, mii iw gii-nisidizod.
Ajidamoo dash ogii-paapoodaanaan Nenaboozhoon, mii iw gii-pimaaji’aad.
Mii dash enendang ajidamoo: “Ningad-ashamaa Nenaboozhoo.”
Mii dash baate-wiiyaas gii-atood onaaganing, miinawaa dash bezhig onaagaans ogii-mamoon wii-atood bimide.
Mii dash gaa-izhi-adaapinaad odisiniiman, mii dash mookomaan ezhi-pazhiba’odizod.
Mii dash imaa bimide wenjijiwaninig, bekish noondaagozi: “Jii ji ji jii ji jii, mako-bimide!”
Mii dash gii-ashamaad Nenaboozhoon.
Gaa-ishkwaa-wiisinid Nenaboozhoo, “Gaye niin ningad-ashamaa ajidamoo,” inendam.
Mii dash mookomaan odoopinang, [daapinang?] mii dash ezhi-odaapinaad odasiniiman.
Mii dash gaa-izhi-pazhibawaad odasiniiman, mii iw gii-nisidizod.
Ajidamoo dash ogii-paapoodaanaan Nenaboozhoon, mii iw gii-pimaaji’aad.