Nänabushu and the Ruffed Grouse
Miinawaa gii-ani-maajaa Nenaboozhoo aapiji gaagiijidiiyed.
Miinawaa binensa’ omikawaa’ namadabinid. “Aaniin e-zhinikaazod gi-giwaa?”
”Goshkogesi.”
„Naabisa’a goshkogesi!” ikido Nenaboozhoo.
Mii dash gaa-izhi-miijinaad, mii dash gii-ani-maajaad.
Apii idash degoshing gichi-bine owaabamaa’ oniijaanisa’ moowiwinid. „Awenen gaa-toodooneg?”
„Nenaboozhoo ningii-miijinigonaan.”
Gii-nishkaadizi a’aw bine.
Ogii-noopinanaan idash Nenaboozhoon, niigaan idash ani-izhaanid gii-poonii a’aw bine.
Giishkaabikaang ani-izhaaban Nenaboozhoo, bine dash gii-kaazo zhingobiikaang.
Apii idash imaa bemosed Nenaboozhoo, bine gezika [also zesika] gii-pazikwa’o, enigok gii-datawaange [or daataawaange].
Aataa! mii apane Nenaboozhoo gaa-izhi-kaabikise.
Mii dash gii-jiishaabikidiyeshing.
Gii-inaabid imaa giishkaabikaang, owaabandaanan oniigiin [OR omigiin?] agokenig imaa asiniing.
„Waakonag giga-digoom,” odidaan.
Mii dash igiw waakonag Nenaboozhoo odoomigiiwidiyaan.
Miinawaa mitigoonsan ogii-ani-minjiminaan. „Miskwaabiimagoog giga-digoom ji-ani-akiiwang.”
Miinawaa binensa’ omikawaa’ namadabinid. “Aaniin e-zhinikaazod gi-giwaa?”
”Goshkogesi.”
„Naabisa’a goshkogesi!” ikido Nenaboozhoo.
Mii dash gaa-izhi-miijinaad, mii dash gii-ani-maajaad.
Apii idash degoshing gichi-bine owaabamaa’ oniijaanisa’ moowiwinid. „Awenen gaa-toodooneg?”
„Nenaboozhoo ningii-miijinigonaan.”
Gii-nishkaadizi a’aw bine.
Ogii-noopinanaan idash Nenaboozhoon, niigaan idash ani-izhaanid gii-poonii a’aw bine.
Giishkaabikaang ani-izhaaban Nenaboozhoo, bine dash gii-kaazo zhingobiikaang.
Apii idash imaa bemosed Nenaboozhoo, bine gezika [also zesika] gii-pazikwa’o, enigok gii-datawaange [or daataawaange].
Aataa! mii apane Nenaboozhoo gaa-izhi-kaabikise.
Mii dash gii-jiishaabikidiyeshing.
Gii-inaabid imaa giishkaabikaang, owaabandaanan oniigiin [OR omigiin?] agokenig imaa asiniing.
„Waakonag giga-digoom,” odidaan.
Mii dash igiw waakonag Nenaboozhoo odoomigiiwidiyaan.
Miinawaa mitigoonsan ogii-ani-minjiminaan. „Miskwaabiimagoog giga-digoom ji-ani-akiiwang.”