Nenaboozhoo and the Artichokes
Mii dash gaa-ni-zhi-mamaajaad. Ngoding go babimosed wiya gii-waabamaan.
“Aaniin e-zhnikaazyeg?” gii-inaan. “Gnige gdamgoom na go?”
“Enh,” ogii-goon. Mii dash gaa-god: “Enh, geget ndamogoomi.”
“Aaniish e-nkaageyeg wi sa niibna amogooyeg?"
“Gaawii sa wiin go gegoo ndi-nkaagesiimi. Mii sa eta go wi boogdishkaageyaang, boogzikaageyaang."
Mii dash gaa-zhi-mwaad, aaniish gii-goon wi amondwaa; baamaa gaa-de-amwaad ogii-booniikwaan.
“Geget sa g-minpogzim,” ogii-naan.
Mii dash pii ni-aabsikaad.
Ngoding go ni-babimsed baamaa go shkweyaang mdwewenig, “Boo’!” nwenid ezhi-maajiibtood,
“Awenen gaa-nwed?" gii-nendam.
Waasa gii-ni-bgambatoo.
Megwaa go miinwaa ni-babimsed, “Boo’!” inwewan wiya, ezhi-biimskobgizod, “awenen gaa-nwed?” gii-nendam.
Megwaa go miinwaa ni-babimsed, baamaa go enji-boogidid ezhi-maajiibtood.
“Ambe sa nongo, nga-gagwe-nganaa wa gaa-nwed,” gii-nendam.
Gwej go eni-nanaawjiised baamaa go miinwaa, “poonh’!” e-nwenid.
Mii sa zegizid. “Ambe sa naa, nga-akamwaa wa gaa-nwed,” gii-nendam.
ezhi-akandwaadang wi miikan; mii sa go gii-zhi-azhewse, bngii gii-bskaabiigaadese. Mii dash maa waazaamdang wi miikan.
Baamaa go miinwaa obakwanaang wiya noondwaad.
Mii sa njida e-nwenid, “poonh!” ezhi-bzigonjised.
“Baapnizwaagan! Wenesh wa bemnaazhkaagwiyaanh? Gechi-mnidoowigwenh,” gii-nendam ezhi-maajiibtood ayaapiichbizod.
Megwaa go ni-bmibtood, baamaa go miinwaa, “Poonh!”
Gchi-waasa bngishin, biimskobgizod; aaniish, gaawiin waabmaasiin aano-miiwganaamaad.
Baamaa go miinwaa widi bakwanaang enji-noondaagzinid, “Poonh!”
“Baapnizwaagan!” nendam ezhi-maajiibtood.
Mii go imaa maajiibtood, miinwaa, “Poonh!”
“Baapnizwaagan!” nendam eni-zhi-gchi-maajiibtood;
Gegpii go besha patoo, ooshme gzhiikaabtoo.
Mii sa njida e-ntang odashkweyaaming, “Poonh!”
Gegpii go enso-aandamiid, “poonh, poonh, poonh, poonh, poonh!”
Mii dash wi mii da-gii-naa gaa-zhiwaad n-shiimeyag sa gaa-bi-waabmagwaa giwi ashkipwaag. ‘n-boogzikaagemi,’ ngii-goog.
Aaniish go naa enji-bgamjiwyaanh? Eyii, n-boogid! Mii sa ge-kidwaad anishinaabeg n-zhisheyag, biinish ni-shkwaa-kiiwang.”
Megwaa go ni-babimosed, baamaa go miinwaa, “Poonh!” “Eyii, n-boogid!”
“Aaniin e-zhnikaazyeg?” gii-inaan. “Gnige gdamgoom na go?”
“Enh,” ogii-goon. Mii dash gaa-god: “Enh, geget ndamogoomi.”
“Aaniish e-nkaageyeg wi sa niibna amogooyeg?"
“Gaawii sa wiin go gegoo ndi-nkaagesiimi. Mii sa eta go wi boogdishkaageyaang, boogzikaageyaang."
Mii dash gaa-zhi-mwaad, aaniish gii-goon wi amondwaa; baamaa gaa-de-amwaad ogii-booniikwaan.
“Geget sa g-minpogzim,” ogii-naan.
Mii dash pii ni-aabsikaad.
Ngoding go ni-babimsed baamaa go shkweyaang mdwewenig, “Boo’!” nwenid ezhi-maajiibtood,
“Awenen gaa-nwed?" gii-nendam.
Waasa gii-ni-bgambatoo.
Megwaa go miinwaa ni-babimsed, “Boo’!” inwewan wiya, ezhi-biimskobgizod, “awenen gaa-nwed?” gii-nendam.
Megwaa go miinwaa ni-babimsed, baamaa go enji-boogidid ezhi-maajiibtood.
“Ambe sa nongo, nga-gagwe-nganaa wa gaa-nwed,” gii-nendam.
Gwej go eni-nanaawjiised baamaa go miinwaa, “poonh’!” e-nwenid.
Mii sa zegizid. “Ambe sa naa, nga-akamwaa wa gaa-nwed,” gii-nendam.
ezhi-akandwaadang wi miikan; mii sa go gii-zhi-azhewse, bngii gii-bskaabiigaadese. Mii dash maa waazaamdang wi miikan.
Baamaa go miinwaa obakwanaang wiya noondwaad.
Mii sa njida e-nwenid, “poonh!” ezhi-bzigonjised.
“Baapnizwaagan! Wenesh wa bemnaazhkaagwiyaanh? Gechi-mnidoowigwenh,” gii-nendam ezhi-maajiibtood ayaapiichbizod.
Megwaa go ni-bmibtood, baamaa go miinwaa, “Poonh!”
Gchi-waasa bngishin, biimskobgizod; aaniish, gaawiin waabmaasiin aano-miiwganaamaad.
Baamaa go miinwaa widi bakwanaang enji-noondaagzinid, “Poonh!”
“Baapnizwaagan!” nendam ezhi-maajiibtood.
Mii go imaa maajiibtood, miinwaa, “Poonh!”
“Baapnizwaagan!” nendam eni-zhi-gchi-maajiibtood;
Gegpii go besha patoo, ooshme gzhiikaabtoo.
Mii sa njida e-ntang odashkweyaaming, “Poonh!”
Gegpii go enso-aandamiid, “poonh, poonh, poonh, poonh, poonh!”
Mii dash wi mii da-gii-naa gaa-zhiwaad n-shiimeyag sa gaa-bi-waabmagwaa giwi ashkipwaag. ‘n-boogzikaagemi,’ ngii-goog.
Aaniish go naa enji-bgamjiwyaanh? Eyii, n-boogid! Mii sa ge-kidwaad anishinaabeg n-zhisheyag, biinish ni-shkwaa-kiiwang.”
Megwaa go ni-babimosed, baamaa go miinwaa, “Poonh!” “Eyii, n-boogid!”