Nenabosho and the Cranberries
Mii sa Nenabosho eni-izhi-maajaad, eniwek ogashkitoon ji-mino-bimosed.
Gomaa go apii degoshing ziibiins omadaabiin; inaabid pane go aniibiminan; gaa-miskwaakobaanig mii go iw eniizhinaazikang (eni-zhi-naazkang).
“Ediwe, geget igo niibiwa ninga-miijinan; baamaa go aapiji giide-wiisiniyaan ninga-boonitoonan.”
Wikwetigweyaanig Nenabosho ozhigaabawi ziibiins; inaabid anaambiig mii dash geget waabandang aniibiminan i’iwidi agawaatebiigisininig.
Nenabosho ezhi-giigidod: “Daga, miwaniwedi ge-miijiyaanan.”
Ezhi-jiigakwebagizod; aano-nandoobiiginiged, mii sa gaawiin omikanziinan.
Indawaa ekwanaabaawed ezhi-mooshkamod agwaasiid, mii go bimi-anwaatiniikamisenig.
Inaabid, ediwe, mii sa onjida aniibiminan waabandang anaambiig; mii go miinawaa jiigakwebagizod, ediwe Nenabosho ezhi-gichi-giizhkiingweshing.
Gchi-enigok ezhi-gashkitood izhi-mawi.
Aaniish naa giiwashkweshin.
Megwaa go mawid gegoo omaanaazhaabishkaagon.
Ezhi-baakadawaabid megwaa mawid, goniginiin aniibiminan naanaazhaabishkaagod.
Tayaa, geget aapiji sa minwendam.
Mii sa zhigwa maandanjiged; aapiji sa gaade-wiisinid geget minwendam.
Mii dash geget weweni gashkitood bimosed.
Gomaa go apii degoshing ziibiins omadaabiin; inaabid pane go aniibiminan; gaa-miskwaakobaanig mii go iw eniizhinaazikang (eni-zhi-naazkang).
“Ediwe, geget igo niibiwa ninga-miijinan; baamaa go aapiji giide-wiisiniyaan ninga-boonitoonan.”
Wikwetigweyaanig Nenabosho ozhigaabawi ziibiins; inaabid anaambiig mii dash geget waabandang aniibiminan i’iwidi agawaatebiigisininig.
Nenabosho ezhi-giigidod: “Daga, miwaniwedi ge-miijiyaanan.”
Ezhi-jiigakwebagizod; aano-nandoobiiginiged, mii sa gaawiin omikanziinan.
Indawaa ekwanaabaawed ezhi-mooshkamod agwaasiid, mii go bimi-anwaatiniikamisenig.
Inaabid, ediwe, mii sa onjida aniibiminan waabandang anaambiig; mii go miinawaa jiigakwebagizod, ediwe Nenabosho ezhi-gichi-giizhkiingweshing.
Gchi-enigok ezhi-gashkitood izhi-mawi.
Aaniish naa giiwashkweshin.
Megwaa go mawid gegoo omaanaazhaabishkaagon.
Ezhi-baakadawaabid megwaa mawid, goniginiin aniibiminan naanaazhaabishkaagod.
Tayaa, geget aapiji sa minwendam.
Mii sa zhigwa maandanjiged; aapiji sa gaade-wiisinid geget minwendam.
Mii dash geget weweni gashkitood bimosed.