Nanabushu and the Dancing Bullrushes
Ningoding igo babimosed awiya onoondawaa zaasaakwenid.
Wegoneniiwinen onaazitawaa.
Goniginiin, zaaga’igaans zaagidawaanig i’iw ziibiins, mii imaa ayaanid i’iwe ininiwa’, bizhishig i’iw ininiwa’.
Gakina bingwaashaagidiwa, Gaye dash ezhi’onid gakina waabigoniin obadakibine’oni.
Zhigwa owaabamigoo.
“E! e, e, Nenaboozhoo, niwii-niimi’idimin, nishwaasogon niwii-niimi’idimin.
Gegeti go niwii-gichi-niimi’idimin.”
“Nijiimijaa,(1) mii sa go i’iw bebaa-inanookiiyaan, babaa-nanda-niimi’idiiyaan.
Gichi-enigok giga-wiidookooninim.”
“Nenaboozhoo, gego, ganabaj giga-ayekos.
Nishwaasogon wii-niimidiyaang, mii go gaye, [ge-]gabe-dibik wii-niimi’idiyaang.”
“Nijiimijaa, maanoo, gaye niin ninga-niimi’idi.”
“Nenaboozhoo, aaniish maanoo gaye giin gidaa-niim, gwayak igo giga-ayekos.”
Aaniish, mii sa go zhigwa maajitaanid; aataa, zhigwa bazigwiiwa’.
Aaniish, Nenaboozhoo gaye wiin gii-badakibine’oonaa iniw misaabigoniin.
Aataa, e-izhiinid naami’idinid!
Nenaboozhoo geji-e-ii-zhid naaniimid, mii sa gaye wiin dibishkoo e-iindoodang.
Iskwaach niiyogon naami’idimind mii zhigwa gikendang ayekozid.
Abaapish niizhwaasogon naami’idimind anishaa go namadabi; aapiji ayekozi, gaye wii-wiisini.
Abaapish eni-dibikadinig, aapiji naanoondayagendam jibwaa-waabaninig.
Mii zhigwa Nenaboozhoo zhingishing aano-niimi’idid.
Minjimigo ji-biidaabaninig ezhi-mawid Nenaboozhoo.
E-bi-baapi’ind. Zhigwa sa bi-waabanini, zhigwa imaa dibishkoojaya’ii bimi-akwaabanini.
Goniginiin, gibidaanimadini.
Etawaa, Nenaboozhoo megwaa zhaashaaganashkokaang, mii nangwana iniw gaa-izhinang, anishinaabeng ogii-izhinaanan.
Geget maamakaadendam Nenaboozhoo, mii iw gii-inendang anishinaabe gechi-noodingin, gii-izhinang; mii nangwana iw gaa-izhi-niimi’idiwaad zhaashaaganashkoon.
Mii sa imaa zheshingishing Nenaboozhoo, gaawiin ogashki’osii ji-bimooded waawiishinawiin ji-bazigwiid.
Indawaa ezhi-nibaad.
Apii niizhogon gaa-nibaad mii dash i’iw bijiinag gashkitood bimooded, ezhi-naadagaameyooded.
Wegoneniiwinen onaazitawaa.
Goniginiin, zaaga’igaans zaagidawaanig i’iw ziibiins, mii imaa ayaanid i’iwe ininiwa’, bizhishig i’iw ininiwa’.
Gakina bingwaashaagidiwa, Gaye dash ezhi’onid gakina waabigoniin obadakibine’oni.
Zhigwa owaabamigoo.
“E! e, e, Nenaboozhoo, niwii-niimi’idimin, nishwaasogon niwii-niimi’idimin.
Gegeti go niwii-gichi-niimi’idimin.”
“Nijiimijaa,(1) mii sa go i’iw bebaa-inanookiiyaan, babaa-nanda-niimi’idiiyaan.
Gichi-enigok giga-wiidookooninim.”
“Nenaboozhoo, gego, ganabaj giga-ayekos.
Nishwaasogon wii-niimidiyaang, mii go gaye, [ge-]gabe-dibik wii-niimi’idiyaang.”
“Nijiimijaa, maanoo, gaye niin ninga-niimi’idi.”
“Nenaboozhoo, aaniish maanoo gaye giin gidaa-niim, gwayak igo giga-ayekos.”
Aaniish, mii sa go zhigwa maajitaanid; aataa, zhigwa bazigwiiwa’.
Aaniish, Nenaboozhoo gaye wiin gii-badakibine’oonaa iniw misaabigoniin.
Aataa, e-izhiinid naami’idinid!
Nenaboozhoo geji-e-ii-zhid naaniimid, mii sa gaye wiin dibishkoo e-iindoodang.
Iskwaach niiyogon naami’idimind mii zhigwa gikendang ayekozid.
Abaapish niizhwaasogon naami’idimind anishaa go namadabi; aapiji ayekozi, gaye wii-wiisini.
Abaapish eni-dibikadinig, aapiji naanoondayagendam jibwaa-waabaninig.
Mii zhigwa Nenaboozhoo zhingishing aano-niimi’idid.
Minjimigo ji-biidaabaninig ezhi-mawid Nenaboozhoo.
E-bi-baapi’ind. Zhigwa sa bi-waabanini, zhigwa imaa dibishkoojaya’ii bimi-akwaabanini.
Goniginiin, gibidaanimadini.
Etawaa, Nenaboozhoo megwaa zhaashaaganashkokaang, mii nangwana iniw gaa-izhinang, anishinaabeng ogii-izhinaanan.
Geget maamakaadendam Nenaboozhoo, mii iw gii-inendang anishinaabe gechi-noodingin, gii-izhinang; mii nangwana iw gaa-izhi-niimi’idiwaad zhaashaaganashkoon.
Mii sa imaa zheshingishing Nenaboozhoo, gaawiin ogashki’osii ji-bimooded waawiishinawiin ji-bazigwiid.
Indawaa ezhi-nibaad.
Apii niizhogon gaa-nibaad mii dash i’iw bijiinag gashkitood bimooded, ezhi-naadagaameyooded.